彭 子 晴 和 雄 圖 娛 樂 公 司 老 闆 莊 躍 被 記 者 拍 下 出 雙 入 對 的 照 片 ， 直 指 兩 人 關 係 密 切 。 子 晴 昨 日 接 受 記 者 訪 問 ， 她 強 調 莊 躍 只 是 哥 哥 生 意 上 的 朋 友 ， 堅 決 否 認 和 他 有 任 何 不 尋 常 的 關 係 。

　 　 昨 日 有 周 刊 報 道 ， 指 在 《 真 情 》 中 飾 演 「 阿 靜 」 一 角 的 彭 子 晴 ， 終 於 找 到 一 張 「 長 期 飯 票 」 ， 直 指 雄 圖 娛 樂 公 司 老 闆 莊 躍 照 顧 她 ， 送 樓 送 車 ， 還 拍 下 他 們 兩 人 同 車 的 照 片 。

　 　 報 道 還 指 子 晴 日 前 已 向 無 線 提 出 解 約 的 要 求 ， 將 會 退 出 娛 樂 圈 。

接彭家人一起外遊
　 　 記 者 更 拍 下 莊 躍 於 本 月 四 日 到 彭 子 晴 西 貢 的 住 所 接 她 ， 同 行 還 有 彭 子 晴 的 父 母 ， 四 人 一 起 外 遊 。

　 　 本 周 一 晚 上 ， 莊 躍 再 次 駕 駛 平 治 房 車 往 彭 子 晴 的 住 所 接 她 時 ， 兩 人 發 現 記 者 行 蹤 後 ， 莊 躍 更 狂 追 採 訪 車 不 捨 。

　 　 就 有 關 以 上 的 報 道 ， 彭 子 晴 昨 日 接 受 記 者 電 話 訪 問 時 逐 一 反 駁 。

彭：彭子晴　　記：記者
彭 ： 首 先 要 澄 清 我 冇 同 無 線 解 約 ， 我 只 係 響 七 月 開 始 請 半 年 假 ， 返 美 國 陪 爸 爸 媽 媽 ， 爸 爸 今 年 七 十 幾 歲 ， 身 體 有 病 ， 所 以 好 想 返 去 陪 佢 ！

記 ： 你 同 莊 生 係 乜 關 係 呢 ？

「唔知莊生係老闆」
彭 ： 莊 生 係 我 哥 哥 生 意 上 朋 友 ， 我 爸 爸 媽 媽 都 識 得 佢 ， 有 時 佢 去 飯 局 都 會 叫 埋 我 ， 但 我 唔 清 楚 莊 生 係 做 乜 生 意 ， 因 為 佢 只 係 我 屋 企 人 朋 友 。 當 年 雄 圖 係 有 幫 我 接 過 工 作 ， 但 只 因 為 以 前 無 線 保 母 Sunny 過 檔 去 雄 圖 關 係 ， 我 根 本 唔 知 莊 生 係 間 公 司 老 闆 ！

記 ： 報 道 話 你 戴 鑽 戒 好 富 貴 ！

彭 ： （ 失 笑 ） 隻 戒 指 係 《 真 情 》 道 具 咋 ！ 我 為 連 戲 方 便 先 至 成 日 戴 住 。

記 ： 既 然 係 普 通 朋 友 ， 點 解 被 記 者 拍 照 時 如 此 慌 張 ？

彭 ： 佢 突 然 撲 出 影 相 ， 嚇 都 嚇 死 啦 ！ 而 且 我 又 冇 化 妝 ， 唔 想 上 鏡 。 莊 生 只 不 過 順 便 車 埋 我 ， 如 果 我 真 係 身 有 屎 ， 都 會 做 防 範 啦 ， 點 會 咁 易 俾 人 影 到 相 ！ 今 次 帶 莊 生 咁 多 麻 煩 真 係 好 抱 歉 ！

莊躍曾簽黎瑞恩

　 　 莊 躍 曾 成 立 雄 圖 娛 樂 製 作 公 司 和 力 圖 唱 片 公 司 ， 但 近 年 他 已 淡 出 娛 樂 圈 ， 旗 下 藝 人 如 黎 瑞 恩 、 譚 耀 文 、 黃 雯 、 蔣 卓 樂 、 郭 晉 安 等 均 轉 投 其 他 公 司 及 退 出 ， 而 彭 子 晴 曾 於 九 七 年 短 時 間 加 盟 雄 圖 為 旗 下 藝 人 ， 但 一 年 後 已 沒 續 約 。

　 　 莊 躍 向 來 豪 爽 ， 每 年 的 春 茗 均 於 大 酒 店 設 宴 招 待 傳 媒 記 者 ， 抽 獎 禮 物 更 十 分 豐 富 ， 他 尤 其 愛 錫 旗 下 藝 人 黎 瑞 恩 ， 阿 恩 擬 退 出 樂 壇 時 ， 莊 躍 即 和 她 解 約 讓 她 離 開 。 除 娛 樂 圈 外 ， 莊 躍 亦 於 尖 東 經 營 酒 樓 生 意 。

　 　 莊 躍 已 婚 ， 育 有 兩 子 一 女 ， 其 中 的 一 子 一 女 是 龍 鳳 胎 。

　 　 彭 子 晴 對 於 最 新 一 期 的 《 東 周 刊 》 影 到 她 同 一 名 姓 莊 中 年 企 業 大 商 家 「 同 車 」 ， 有 大 靠 山 財 主 送 樓 、 送 跑 車 、 送 鑽 戒 射 住 之 下 ， 提 前 同 無 線 解 約 收 山 ， 疊 埋 心 水 做 少 奶 奶 ， 她 完 全 無 逃 避 到 記 者 追 訪 ， 反 而 昨 晚 透 過 電 話 好 開 心 話 ： 「 係 就 好 ！ 」

　 　 據 子 晴 講 ： 「 其 實 呢 位 莊 生 係 我 三 哥 朋 友 ， 咁 佢 同 我 屋 企 人 都 好 熟 ， 我 又 鍾 意 黐 屋 企 人 ， 屋 企 人 去 邊 我 又 去 ， 所 以 我 都 識 埋 佢 。 次 （ 影 到 同 車 ） 都 係 我 收 工 返 屋 企 ， 哥 哥 佢 外 邊 食 飯 ， 叫 莊 生 順 便 車 埋 我 。 」 子 晴 並 且 澄 清 ： 「 我 唔 係 乜 拖 友 ， 根 本 我 都 無 拍 拖 ， 佢 亦 都 無 送 過 任 何 禮 物 俾 我 ， 請 食 飯 就 有 ， 即 使 隻 鑽 戒 都 不 過 係 拍 《 真 情 》 我 自 己 買 幾 百 蚊 道 具 。 」 但 就 不 否 認 對 方 的 車 返 工 ： 「 因 為 我 架 日 本 車 撞 ， 我 問 三 哥 借 車 用 ， 咁 我 三 哥 就 將 之 前 問 莊 生 借 銀 色 七 人 保 母 車 借 俾 我 ， 所 以 我 知 架 車 係 莊 生 ， 咁 車 主 登 記 梗 係 莊 生 啦 ！ 」

好多男性朋友未揀定
　 　 子 晴 再 三 強 調 目 前 與 莊 生 僅 是 普 通 朋 友 ： 「 我 完 全 唔 知 佢 背 景 ， 好 似 實 際 年 齡 同 埋 結 婚 未 咁 ， 更 加 唔 覺 得 佢 有 追 我 意 思 ， 到 佢 真 係 追 我 先 至 算 ， 因 為 我 仲 都 有 好 多 男 性 朋 友 ， 未 揀 定 ， 而 且 我 交 朋 友 係 唔 理 佢 財 富 幾 多 、 年 紀 幾 大 咁 。 」 另 外 子 晴 就 話 ： 「 我 無 同 公 司 解 約 ， 只 係 請 假 半 年 陪 屋 企 人 ， 因 為 爹 身 體 有 問 題 ， 我 想 照 顧 佢 。 」

　 　 昨 日 《 東 周 刊 》 報 道 在 無 線 《 真 情 》 中 ， 飾 演 「 阿 靜 」 的 彭 子 晴 ， 最 近 與 富 商 莊 先 生 蜜 運 成 功 ， 並 決 定 和 無 線 提 前 解 約 收 山 去 也 。

　 　 但 原 來 「 阿 靜 」 只 是 以 私 人 理 由 向 無 線 請 假 六 個 月 ， 於 是 有 傳 聞 指 她 今 次 是 趁 此 假 期 秘 密 結 婚 。 但 「 阿 靜 」 放 長 假 ， 最 大 又 最 直 接 影 響 的 自 然 是 《 真 情 》 的 劇 情 進 展 ， 尤 其 是 要 交 代 「 阿 靜 」 的 突 然 離 去 ， 據 知 無 線 方 面 為 求 合 理 地 交 代 劇 情 ， 可 能 要 無 奈 地 將 剛 甦 醒 的 「 阿 靜 」 判 以 死 刑 ， 從 此 永 別 《 真 情 》 。

　 　 其 實 「 阿 靜 」 彭 子 晴 的 事 業 心 一 向 極 重 ， 雖 然 有 報 道 指 她 最 近 蜜 運 成 功 ， 而 傳 出 「 阿 靜 」 與 無 線 解 約 ， 秘 密 結 婚 。

已批准放假
　 　 但 原 來 「 阿 靜 」 彭 子 晴 只 是 在 數 星 期 前 ， 以 私 人 理 由 向 無 線 藝 員 科 請 假 六 個 月 。 所 以 「 阿 靜 」 只 要 在 七 月 初 完 成 現 時 在 《 真 情 》 中 的 戲 分 後 ， 便 可 正 式 放 長 假 去 。

　 　 而 彭 子 晴 今 次 放 長 假 ， 對 無 線 最 大 的 影 響 是 《 真 情 》 劇 情 的 交 代 ， 雖 然 近 期 《 真 情 》 的 主 要 劇 情 ， 集 中 在 馬 蹄 露 與 謝 天 華 身 上 ， 但 彭 子 晴 在 劇 中 飾 演 的 阿 靜 近 日 才 剛 甦 醒 ， 所 以 佔 戲 亦 不 少 。 若 要 在 劇 情 中 合 理 地 交 代 彭 子 晴 的 離 去 ， 相 信 以 無 線 一 貫 交 代 劇 中 藝 員 離 去 的 慣 例 ， 可 能 要 改 寫 劇 本 ， 以 阿 靜 因 病 或 因 意 外 死 去 作 為 彭 子 晴 突 然 消 失 的 交 代 ， 故 彭 子 晴 今 次 亦 只 有 無 奈 接 受 「 死 刑 」 此 悲 慘 結 局 。

劇情不斷有變
　 　 《 真 情 》 監 製 徐 遇 安 表 示 ， 自 己 都 是 於 較 早 前 ， 接 獲 藝 員 科 通 知 ， 知 道 彭 子 晴 以 私 人 理 由 向 藝 員 科 請 長 假 。 至 於 會 否 以 判 死 刑 方 式 交 代 彭 子 晴 的 離 去 。

　 　 徐 遇 安 稱 ： 「 其 實 《 真 情 》 以 後 劇 情 一 路 都 寫 緊 ， 同 一 路 都 拍 緊 ， 所 以 劇 情 一 路 都 有 變 化 ， 雖 然 彭 子 晴 要 放 長 假 ， 但 我 都 可 以 改 橋 段 改 劇 本 就 番 ， 更 何 況 我 成 日 都 有 藝 員 出 入 啦 ！ 」

立生未知結婚事
　 　 在 《 真 情 》 彭 子 晴 的 親 密 拍 檔 「 立 生 」 盧 慶 輝 ， 對 於 彭 子 晴 ， 因 結 識 富 商 莊 先 生 向 無 線 請 放 長 假 ， 而 傳 出 秘 密 結 婚 一 事 。

　 　 盧 慶 輝 稱 ： 「 唔 係 瓜 ！ 我 尋 日 仲 同 佢 一 齊 開 工 ， 同 埋 都 唔 覺 佢 身 光 頸 靚 ， 何 況 我 大 家 都 冇 傾 感 情 啊 ！ 」

　 　 由 於 彭 子 晴 將 不 會 出 席 今 日 《 真 情 》 的 端 午 節 宣 傳 ， 所 以 本 報 記 者 昨 日 傳 呼 彭 子 晴 欲 求 證 此 事 。 但 彭 子 晴 的 經 理 人 回 覆 稱 ； 「 佢 而 家 開 緊 工 ， 有 咩 事 同 我 講 完 我 叫 佢 遲 覆 你 ！ 」

　 　 但 直 至 截 稿 前 彭 子 晴 仍 未 回 覆 。

彭子晴星運緋聞皆平平

　 　 星 運 — — 她 最 初 只 拍 廣 告 ， 後 來 被 無 線 賞 識 於 九 五 年 加 入 無 線 ， 更 與 傅 明 憲 、 姚 瑩 瑩 ， 捧 為 「 無 線 五 美 」 之 一 ， 拍 過 劇 集 包 括 《 天 地 男 兒 》 、 《 Ｏ 記 實 錄 續 集 》 等 ， 其 中 最 為 人 熟 悉 在 真 情 中 飾 演 阿 靜 。

　 　 緋 聞 — — 一 向 緋 聞 不 多 的 她 ， 除 和 張 崇 基 拍 過 散 拖 外 ， 亦 有 傳 黃 智 賢 暗 戀 她 ， 自 拍 《 真 情 》 後 則 有 話 和 盧 慶 輝 戲 假 情 真 。

　 　 最 新 緋 聞 是 同 莊 姓 富 商 熱 戀 ， 提 早 和 無 線 解 約 收 山 做 少 奶 奶 。

　 　 據 知 這 位 莊 姓 富 商 生 意 多 籮 籮 ， 計 有 貿 易 、 地 產 、 投 資 和 娛 樂 等 ， 喜 歡 過 百 萬 平 治 房 車 出 入 ， 家 住 九 龍 塘 逾 千 萬 豪 宅 ， 並 以 靚 巴 「 366 」 做 車 牌 號 碼 。

阿靜拍拖唔畀人知

　 　 彭 子 晴 放 假 半 年 ， 《 真 情 》 一 班 演 員 ， 不 少 仍 然 懵 然 不 知 ， 只 有 好 姨 （ 薛 家 燕 ） 同 善 姨 （ 李 司 棋 ） 知 道 。

「好姨」薛家燕：佢實請我飲！
　 　 原 來 彭 子 晴 早 於 三 日 前 已 曾 跟 《 真 情 》 提 過 放 假 一 事 ， 她 說 ： 「 佢 話 屋 企 有 事 ， 要 去 第 二 度 ， 不 過 公 司 仲 未 批 佢 假 期 ， 就 算 放 假 都 係 八 月 份 事 囉 。 」 至 於 秘 密 結 婚 一 事 ， 她 笑 說 ： 「 如 果 係 真 ， 我 緊 係 戥 佢 開 心 喇 ， 照 計 佢 實 請 我 飲 個 餐 ， 但 咁 耐 我 都 未 聽 過 佢 拍 拖 喎 。 」

「阿瓊」苑瓊丹：好耐冇聯絡！
　 　 同 彭 子 晴 一 向 老 友 的 苑 仔 （ 苑 之 暱 稱 ） ， 對 彭 子 晴 放 假 一 事 毫 不 知 情 ， 她 說 ： 「 我 呢 排 一 劇 接 一 劇 ， 又 忙 緊 《 騙 中 傳 奇 》 ， 都 好 耐 冇 同 佢 聯 絡 喇 ！ 」

「阿海」黃智賢：佢　得好實　
　 　 他 已 離 開 《 真 情 》 一 段 日 子 ， 同 彭 子 晴 都 好 少 見 面 ， 所 以 對 此 事 毫 不 知 情 。 但 他 說 ： 「 子 晴 一 向 對 感 情 都 好 穩 重 ， 但 真 係 可 以 放 六 個 月 假 話 ， 我 都 好 想 呀 。 」 至 於 秘 密 結 婚 一 事 ， 他 說 ： 「 如 果 真 係 ， 佢 都 　 得 好 密 　 ！ 」

「大力」韋家雄：呢排失左蹤！
　 　 他 對 彭 子 晴 放 假 半 年 亦 不 知 情 ， 他 說 ： 「 我 以 前 成 日 一 齊 出 去 食 飯 ， 呢 排 佢 好 似 失 蹤 咁 ！ 不 過 我 識 佢 咁 耐 ， 都 冇 聽 過 佢 拍 拖 ！ 早 排 我 同 佢 通 過 電 話 ， 講 過 下 近 況 ， 但 冇 提 過 私 人 。 」

「善姨」李司棋：唔捨得阿靜！
　 　 她 亦 都 知 道 子 晴 放 假 一 事 ， 並 說 ： 「 阿 靜 要 離 開 成 半 年 ， 梗 係 好 唔 捨 得 啦 。 至 於 同 富 商 拍 拖 ， 子 晴 一 向 都 係 乖 乖 女 ， 又 唔 覺 佢 成 日 煲 電 話 粥 ， 或 者 做 埋 古 怪 動 作 ， 不 過 就 算 係 真 都 冇 所 謂 喇 。 」

阿靜生命歷程

鬥氣冤家成戀人
　 　 立 生 （ 盧 慶 輝 飾 ） 因 自 己 曾 為 「 監 躉 」 ， 加 上 右 腳 跛 了 ， 感 到 非 常 自 卑 而 自 暴 自 棄 。 而 負 責 輔 導 他 的 社 工 阿 靜 （ 彭 子 晴 飾 ） 向 他 施 以 輔 導 ， 終 令 立 生 重 新 做 人 。 最 初 兩 人 經 常 鬥 氣 ， 但 日 久 生 情 ， 在 阿 靜 契 爺 （ 鮑 方 飾 ） 扯 紅 線 下 ， 兩 人 終 成 情 侶 。

阿雪掀起三角風暴
　 　 當 立 生 和 阿 靜 感 情 漸 趨 穩 定 ， 並 認 定 對 方 為 終 身 伴 侶 時 ， 立 生 前 妻 阿 雪 （ 滕 麗 名 飾 ） 突 然 恢 復 記 憶 ， 返 回 香 港 要 求 與 立 生 復 合 ， 立 生 陷 於 兩 女 之 間 ， 難 以 抉 擇 。 這 場 三 角 風 暴 最 終 得 阿 雪 讓 愛 毅 然 離 去 ， 成 全 立 、 靜 二 人 。

遭襲擊昏迷不醒
　 　 阿 靜 本 欲 出 國 留 學 ， 卻 突 然 發 現 懷 有 立 生 骨 肉 ， 兩 人 卻 因 小 事 而 發 生 誤 會 ， 最 後 兩 人 終 冰 釋 誤 會 ， 結 成 夫 婦 。 但 當 兩 人 正 喜 悅 地 等 待 小 生 命 降 之 際 ， 阿 靜 突 然 遭 思 琴 的 奸 夫 阿 發 猛 烈 襲 擊 後 腦 致 受 傷 昏 迷 。

生俏介入成新三角
　 　 阿 靜 在 昏 迷 期 間 生 下 兒 子 ， 由 醫 生 羅 生 俏 （ 吳 美 珩 飾 ） 幫 助 接 生 ， 成 為 立 生 一 家 的 大 恩 人 ， 並 與 立 生 產 生 觸 電 感 覺 ， 但 立 生 始 終 最 愛 阿 靜 ， 而 未 有 同 生 俏 再 一 步 發 展 。

阿靜甦醒夫妻恩愛
　 　 阿 靜 甦 醒 後 ， 曾 誤 會 立 生 與 羅 生 俏 一 齊 ， 更 假 扮 失 憶 ， 欲 成 全 立 生 生 俏 兩 人 。 及 後 終 被 立 生 真 情 打 動 ， 再 度 和 好 如 初 ， 兩 人 夫 妻 恩 愛 。

　 　 彭 子 晴 請 假 ， 最 大 影 響 當 然 是 真 情 的 「 阿 靜 」 ， 有 報 導 說 無 線 高 層 已 下 令 ， 可 能 要 「 阿 靜 」 死 去 。